Արդեն 6 ամիս է՝ Արցախը թշնամու շրջափակման մեջ է, հայաստանյան իշխանությունը սկզբում փորձում էր հասարակությանն ու արցախցիներին համոզել, որ ջանքեր է գործադրում Արցախի ապաշրջափակման ուղությամբ, տարբեր միջազգային ատյաններ դիմում:
ԱԺ հայտարարությունների ժամին ասաց «Պատիվ ունեմ» խմբակցության քարտուղար Տիգրան Աբրահամյանը:
«Իշխանության հայտարարությունն Արցախի հանձման մտադրության վերաբերյալ, փորձ էր՝ Հայաստանի ու Արցախի պայքարը թաղելու, արցախցիների ճակատագրի նկատմամբ խաչ քաշելու և առհասարակ Արցախի վրա քար նետելու համար»,- ասում է Աբրահամյանը
Նա նաև կարծում է, որ իշխանության ինքնախոստովանական ցուցմունքը վերջնականապես պատռում է իշխանության դեմքը:
«Դա իշխանությունների մեծ նվերն էր ադրբեջանցիներին՝ լեգիտիմացնելով մինչև այս պահը Հայաստանի ու Արցախի նկատմամբ իրականացված ագրեսիան, ինչպես նաև Հայաստանն Արցախին կապող միջանցքում ադրբեջանական անցակետ տեղակայելու հարցում»,-հայտարարեց նա:
