Քիչ առաջ կայքերը տեղեկացրեցին, Էկոնոմիկայի արդեն նախկին նախարար Վահան Քերոբյանն ԱԱԾ-ում է և հնարավոր է՝ նա կալանավորվի։
Aysor.am-ի հետ զրույցում Վահան Քերոբյանը նշել է, որ այս պահին ոչինչ չունի ասելու, նա ո՛չ հերքեց, ո՛չ էլ հաստատեց ԱԱԾ-ում լինելու փաստը.
«Կներեք, այս պահին լրագրողների հետ զրուցելու ոչինչ չունեմ, բան չկա ասելու»։
Իսկ Radar Armenia-ի հետ զրույցում ԱԱԾ մամուլի կենտրոնից փոխանցեցին. «Հետևեք պաշտոնական լրահոսին»։
Հիշեցնենք, որ այսօր նախագահ Վահագն Խաչատուրյանը ստորագրել է Վահան Քերոբյանի ազատման հրամանագիրը։
