«Զվարթնոց» օդանավակայանում ժամը 23։00-ից հավաքվել են Գարեգին Երկրորդ ամենայն հայոց կաթողիկոսին սատարողները, որպեսզի դիմավորեն նրա վերադարձը Արաբական Միացյալ Էմիրություններից։
Սա ինքնաբուխ ակցիա է, որը նաև բողոքի, ընդվզման ցուցիչ է. հանրային վրդովմունքի ալիք է բարձրացել Փաշինյանի կաթողիկոսահալած վարքագծի նկատմամբ։
Նա այսօրվա գրառմամբ կոչ է արել քայլեր ձեռնարկել նոր Կաթողիկոս ընտրելու ուղղթւթյամբ և պահանջոււմ է, որպեսզի Վեհափառը «ազատի Վեհարանը»։
Հոգևորականները, քաղաքական ընդդիմադիր գործիչները, փաստաբանները, ՀՀ քաղաքացիները եկել են օդանավակայան՝ ցույց տալու, որ հաշտ չեն իշխանությունների վարած քաղաքականության, Հայ եկեղեցին, հոգևորականներին վարկաբեկելու, նսեմացնելու քայլերի հետ։
Լրագրողները հարցեր ուղղեցին Նաթան Սրբազանին՝ Փաշինյանը փնտրում է Վեհափառի դստերը, չի բացառվում, որ անգամ ԴՆԹ անալիզ պահանջի։
«Ո՞ւմ ԴՆԹ անալիզը պետք է անց կացնի, 3 միլիոն ժողովրդի՞։ Փաշինյանը թող նույն ոգևորությամբ փնտրի անհետ կորածներին»,-պատասխանեց Սրբազանը։ Արշակ Սրբազանը կոչ է անում Փաշինյանի ու նրա շրջապատի հարցադրումներն անտեսել։ Աննա Հակոբյանը հոգևորականներին մեղադրել է մանկապղծության մեջ։
Դա հանցագործության մասին հաղորդում է, թող իրավապահները պարզեն. ասաց Արշակ Սրբազանը։
«Մարդիկ լինում են երեք տեսակ, առաջինը`ասում են ճիշտ, երկրորդը` ասում են սուտ, և երրորդը` ինչ ուզում են ասում են»,- հավելեց Արշակ արքեպիսկոպոս Խաչատրյանը։
Նշենք, որ Մասիսի Սուրբ Թադևոս եկեղեցու բակից մեկնարկել է ավտոերթ։ Մասնակիցները շարժվում են «Զվարթնոց» օդանավակայան՝ դիմավորելու Գարեգին Երկրորդին։
Օդանավակայանը լցված է ոստիկանական ուժերով, հատուկջոկատայիններով։
