«Արևիկ» բուժմիավորումում այս պահի դրությամբ բալիկներ կան և՛ վերակենդանացման, և՛ նորածնային բաժանմունքներում։ Իսկ ահա 4 ամսական փոքրիկի առողջական վիճակը, որի մոտ ախոտորշվել էր վիսցերալ լեյշմանիոզ, շարունակում է մնալ ծանր։ Նա ստանում է համապատասխան բուժում, Azg.am-ի թղթակցի հետ զրույցում ասաց ԱՀ առողջապահության նախարարի խորհրդական Մայա Ազատյանը։
«Մեր բժիշկները համագործակցում են հայաստանցի համապատասխան մասնագետնրեի հետ»,- նշեց նա։
Ինչ վերաբերում է Արցախի հանրապետական բժշկական կենտրոնում գտնվող հիվանդներին, Մայա Ազատյանը տեղեկացրեց՝ 6 քաղաքացի շարունակում է մնալ վերակենդանացման բաժանմունքում։ Նրանցից 4-ի վիճակը գնահատվում է ծանր։
«Բժիշկների կողմից կատարվում է հնարավորը՝ հիվանդների վիճակը կայունացնելու համար։ Արցախցի բժիշկներն առցանց խորհրդակցում են իրենց հայաստանցի գործընկերների հետ՝ ըստ ժամանակացույցի իրականացնելով համապատասխան բուժում»,- ասաց ԱՀ առողջապահության նախարարի խորհրդականը։
Անդրադառնալով 10 օրից ավելի ադրբեջանցիների կողմից փակ պահվող Լաչինի միջանցքի թեմային՝ Մայա Ազատյանը նշեց՝ ամբողջ աշխարհն է տեսնում և պետք է տեսնի, թե ինչ է կատարվում Արցախում։ Այդ գործում, ըստ արցախցի մասնագետի, իրենց լուրջ դերակատարությունը պետք է ունենան լրատվամիջոցները։
«Փորձում ենք արցախցուն վայել, պատշաճ կերպով հաղթահարել դժվարությունները»,- ասաց Մայա Ազատյանը։
