«Մեր դատաբժշկական կենտրոնում դեռեւս իրականացվում են կրկնակի եւ շարունակական փորձաքննություններ։ Ցավոք սրտի, ունեինք խիստ վնասված մասունքներ, որոնցից հնարավոր չէր անջատել ԴՆԹ եւ դրա համար արդեն մեկ տարի է համագործակցում ենք Նիդեռլանդների հետ։ Վերջին շրջանում եւս 50 մասունք ուղարկվել է լրացուցիչ փորձաքննություն։ Ուղարկվել են այն մասունքները, որոնք դժվար փորձաքննության ենթարկվող են, բայց կա գնահատական, որ դրանց հետ հնարավոր է աշխատել»,- տեղեկացրել է Առողջապահության նախարար Անահիտ Ավանեսյանը։
Խոսքը 44-օրյա պատերազմում զոհված տղաների մասունքների մասին է, որոնցից 50-ի դեպքում Հայաստանում անհնար է ԴՆԹ ստուգում անցկացնել և արդյունք ստանալ։
