Ճիշտ սնվելու պարզ կանոններ. խորհուրդներ բժշկից

Ճիշտ սննդակարգի ամենակարևոր սկզբունքներից է այսպես կոչված առանձնացված սննդակարգը (раздельное питание)

Ցանկացած սնունդ մարսողության համար պահանջում է կոնկրետ մարսողական ֆերմենտների առկայություն և կոնկրետ թթվահիմնային միջավայր, որում ակտիվ են այդ ֆերմենտները:

Օրինակ, սպիտակուցային սննդի մարսումը սկսվում է ստամոքսում՝ աղաթթվի առկայության պայմաններում, որի շնորհիվ էլ ակտիվանում է պեպսին ֆերմենտը:

Ճարպերը մարսվում են լիպազայի շնորհիվ, ածխաջրերը՝ ամիլազայի:

Կան նաև այլ ֆերմենտներ ևս, սակայն, մեխանիզմների մեջ շատ չխորանալով նշեմ հիմնական սկզբունքը՝

Մսամթերքի, ձկնեղենի, սպիտակուցային սննդի հետ ՉԻ ԿԱՐԵԼԻ խառնել քաղցրեղեն, շաքար պարունակող սնունդ:

Այսինքն՝  սննդամթերքները կարելի է բաժանել 3 հիմնական խմբերի:

1.Սպիտակուցային՝ միս, ձուկ, ձու, կաթ, սունկ, լոբազգիներ, ընկուզեղեն

2.Ածխաջրային՝ քաղցրավենիքներ, խմորեղեն, հաց, ալրային արտադրանքներ, շաքար, կարտոֆիլ, մեղր

3.Ճարպային ՝ բուսական յուղ, սալ, բարձր յուղայնությամբ կաթնամթերքներ, մայոնեզ

ՍԽԱԼ Է խառնել իրար հետ 1-ին և 2-րդ խմբերը:

Այսինքն՝ միս կամ ձու օգտագործելուց հետո շատ սխալ է օգտագործել քաղրավենիք կամ կարտոֆիլ:

Մսամթերքներից հետո խմորեղեն, քաղրավենիք օգտագործելու դեպքում 100 % կունենաք մարսողական խնդիրներ:

Ձկան հետ կարտոֆիլ մի օգտագործեք:Մսային սննդից հետո մեղր կամ քացրավենիք, կոնֆետներ մի օգտագործեք:

Մի խոսքով՝ 1-ին և 2-րդ խմբերը չի կարելի խառնել իրար հետ:

Քաղցրեղեն օգտագործելուց հետո օրինակ ձուկ կարող եք ուտել 3-4 ժամ անց, իսկ սպիտակուցային սննդից հետո ածխաջրայինը՝ 4-5 ժամ անց:

Ճարպային սննդի խումբը կարելի է օգտագործել ածխաջրայինի հետ, բայց ոչ սպիտակուցայինի:

Բանջարեղենը, կանաչեղենը համատեղելի են բոլոր 3 խմբերի հետ:

Եթե դուք խառնում եք 1-ին և 2-րդ խմբի սնունդը իրար հետ,(առաջացնում է թերի մարսում, տոքսինների առաջացում, քանի որ այս խմբերը պահանջում են տարբեր ֆերմենտներ, որոնք աշխատում են տարբեր թթվահիմնային միջավայրերում) ըստ շատ հեղինակների, ԱՆՀՆԱՐ Է ունենալ լավ առողջական վիճակ:

Առողջական վիճակի լավացման ամենակարևոր սկզբունքներից է առաջին հերթին ՄԱՐՍՈՂԱԿԱՆ վիճակի կարգավորումը: Անհնար է ունենալ սննդի թերի մարսում, նեխման պրոցեսներ, տոքսինների առաջացում և ունենալ նորմալ առողջական վիճակ:

Հետևեք պարզ սկզբունքներին և եղեք առողջ:

Բժիշկ-սրտաբան Հրայր Քոչարյան