100 խոզ տեղափոխող մարդատար ինքնաթիռը վթարային վայրէջք է կատարել սրահում տարածված գարշահոտության պատճառով։
Հոլանդական KLM ավիաընկերության ինքնաթիռը Ամստերդամից Մեխիկո Սիթի էր տեղափոխում 259 ուղեւորի։
Թռիչքից վեց ժամ անց օդաչուն արտակարգ վայրէջք է խնդրել Բերմուդյան կղզիներում, որպեսզի ուղևորները կարողանան թարմ օդ շնչել. հաղորդում է Daily Mail-ը:
Թռիչքի ժամանակ բեռնախցիկից, որտեղ գտնվում էր 100 խոզ, գարշահոտը սկսել է ներթափանցել ինքնաթիռի խցիկ և օդաչուների խցիկ։
Մինչ ինքնաթիռը օդափոխվել է, ուղևորներն ու անձնակազմը տեղավորվել են հյուրանոցներում։
Ինքնաթիռը կրկին օդ է բարձրացել դեպի Մեխիկո Սիթի միայն 30 ժամ անց: Իսկ խոզերին երկու օր անց մեկ այլ ինքնաթիռով ուղարկել են Մեքսիկա։
Հետևեք մեզ նաև Տելեգրամում։
