Արցախից Երևան տեղափոխված պացիենտը վիրահատվել է
Արցախից Երեւան տեղափոխված սրտային պաթոլոգիայով պացիենտի աորտոկորոնար շունտավորումն ավարտվել է բարեհաջող:
Ինչպես տեղեկանում ենք Առողջապահության նախարարությունից, պացիենտը տեղափոխվել է վերակենդանացման բաժանմունք, առողջական վիճակը մասնագետները կայուն են գնահատում:
Հիշեցնենք՝ 62–ամյա տղամարդը Ստեփանակերտի «Հանրապետական բժշկական կենտրոնից» Կարմիր Խաչի ուղեկցությամբ դեկտեմբերի 19–ին տեղափոխվել էր Երեւանի «Նորք–Մարաշ» բժշկական կենտրոն։
