«Առաջնագծի հոգեբանները» «ռեԱրմենիա» համագործացության հարթակում մեկնարկել են պարբերական նվիրաբերությամբ դրամահավաքի նախագիծ, որի շրջանակներում կազմակերպում են հոգեբանական առաջին օգնության (PFA) դասընթացներ Հայաստանի սահմանամերձ գյուղերում:
Միայն 2022 թվականին նրանք տրամադրել են հոգեբանական անվճար ծառայություններ և բուժել են 83 անհատների և իրականացրել են 30 հոգեբանական ուսուցման սեմինարներ Հայաստանի 7 քաղաքներում՝ տարբեր միջոցառումների միջոցով ձեռք մեկնելով 700+ անհատների։ Հայաստանի դեմ շարունակվող ագրեսիայի և բռնության պայմաններում նրանց ծառայությունները շարունակում են մնալ ամենակարևորը։ Հոգեբանական առաջին օգնությունը աղետներին արձագանքելու տեխնիկա է, որն օգնում է մարդկանց հաղթահարել ճգնաժամը: Այս դասընթացները հայաստանցիներին կապահովեն այն հմտություններով, որոնք անհրաժեշտ են ճգնաժամային իրավիճակները ճիշտ և արդյունավետ կառավարելու համար:
Մեկ տարի տևող ծրագիրը, որը կենտրոնացած է Հայաստանի 12 մարզերում, կբարելավի այն գյուղերի կենսակերպը, որոնք ադրբեջանական ագրեսիայի պատճառով հակամարտությունների են դիմակայում:
«ռեԱրմենիա» հարթակի միջոցով հավաքագրված միջոցները կուղղվեն այս դասընթացների իրականացման համար անհրաժեշտ բոլոր ծախսերը հոգալու համար: Միասին համագործակցելով՝ մենք կարող ենք կոտրել հոգեկան առողջության խարանը՝ հեշտացնելով հոգեբանական անվտանգության, իրազեկման և բարեկեցության մասին քննադատական խոսակցությունները:
«ռեԱրմենիա»-ն համագործակցության հարթակ է։ Այն հնարավորություն է ընձեռում յուրաքանչյուրին բարձրաձայնել Հայաստանի խնդիրները, ինչպես նաև առաջարկել այդ խնդիրները լուծող նախագծեր, կիսվել փորձով, հմտություններով կամ ֆինանսական և նյութական ռեսուրսներով։ «ռեԱրմենիա»-ն իր հերթին ստեղծում է միջավայր փոխադարձ վստահության և թափանցիկության ապահովման համար, որն արդյունավետ համագործակցության հիմքն է։«Առաջնագծի հոգեբաններ»-ը, շահույթ չհետապնդող կազմակերպությունը, որը ստեղծվել է 2020 թվականի 44-օրյա պատերազմի հետևանքով, տրամադրում է կայուն հոգեկան առողջության շտապ ծառայություններ Հայաստանի կարիքավոր ոլորտներին:
Կոնտակտային անձ՝ Մարիամ Վարդանյան
Հեռ՝ 098 48 49 47
Էլ.հասցե՝ mariam@reArmenia.com
