Հայաստանում հանցագործություն կատարած անձինք ապաշխարելու դեպքում կկարողանան խուսափել պատժից. Արդարադատության նախարարություն
Արդարադատության նախարարությունն առաջարկում է զղջման հիմքով քրեական պատասխանատվությունից ազատելուն առնչվող հարցերի իրավական կարգավորման շրջանակն ընդլայնել. այսօր ասել է Արդարադատության նախարար Գրիգոր Մինասյանը։
«ՀՀ գործող քրեական օրենսգրքի 81-րդ հոդվածը նախատեսում է անձին քրեական պատասխանատվությունից ազատել, եթե նա զղջում է իր արարքի համար։ Քաղաքացին կարող է օգտվել այս հնարավորությունից, եթե նա առաջին անգամ կատարել է ոչ ծանր հանցագործություն, ինչպես նաև եթե այդ անձը համագործակցում է քրեական հետապնդման մարմինների հետ, չի վիճարկում իրեն վերագրվող արարքը։ Այս միջոցը գործում է նաև, եթե քաղաքացին փոխհատուցել է պատճառված վնասը»,- նշել է Մինասյանը։
