Հակակոռուպցիոն դատարանում, դատավոր Վահե Դոլմազյանի նախագահությամբ, ընթանում է ՀՀԿ փոխնախագահ Արմեն Աշոտյանի գործով դատավարությունը, որի ժամանակ ՀՀ նախկին վարչապետ, ԱԺ նախկին նախագահ Խոսրով Հարությունյանն ու ԱԺ նախկին նախագահ Տիգրան Թորոսյանը դատարանում Աշոտյանի խափանման միջոցը փոխելու համար երաշխավորություն ներկայացրին։
«Սա իմ նախաձեռնությունն է, ինձ ոչ ոք չի դիմել, փոխարենը ես եմ հաճախակի անհանգստացրել պաշտպաններին, որ պատրաստկամ եմ օգտագործել այդ հնարավորությունն ու դատարանին ներկայանալ այդպիսի միջնորդությամբ», – դատարանում ասաց Խոսրով Հարությունյանը՝ հավելելով, որ չի կարծում՝ Արմեն Աշոտյանը կփորձի խորշել արդարադատությունից։
ԱԺ նախկին նախագահ Տիգրան Թորոսյանն իր խոսքում նշեց, որ կալանքը ծայրահեղ խափանման միջոց է, բայց այստեղ որևԷ մեկի մեղքը դեռ չի հաստատվել:
«Մեր կյանքը կարգավորվում է ոչ միայն իրավական, այլև բարոյական նորմերով, արժեքներով ու սկզբունքներով»,- հավելեց նա:
Tert.am
