Բաքուն հեռավար դատում է նաև Ռոբերտ Քոչարյանին, Սերժ Սարգսյանին, Վազգեն Սարգսյանին, Մոնթե Մելքոնյանին, Սեյրան Օհանյանին

Փետրվարի 18-ին շարունակվել է  Հայաստանի Հանրապետության քաղաքացիներ Արայիկ Հարությունյանի, Արկադի Ղուկասյանի, Բակո Սահակյանի, Դավիթ Իշխանյանի, Դավիթ Բաբայանի, Լյովա Մնացականյանի և այլոց դեմ հարուցված քրեական գործերը, որոնք մեղադրվում են խաղաղության և մարդկության դեմ բազմաթիվ հանցագործությունների, այդ թվում՝ պատերազմական հանցագործությունների, ինչպես նաև պատերազմական ոճրագործության, ինչպես նաև ցեղասպանական հանցագործությունների կատարման մեջ. Արցախի ռազմաքաղաքական ղեկավարների նկատմամաբ Բաքվի հաշվեհարդար-կեղծ դատավարության մասին գրել է ադրբեջանական APA-ն։

Դատական ​​ նիստում հրապարակվել են «մեղադրական եզրակացության դրվագներ նաև  Ռոբերտ Քոչարյանի, Սերժ Սարգսյանի, Վազգեն Մանուկյանի, Վազգեն Սարգսյանի, Սամվել Բաբայանի, Սեյրան Օհանյանի, Արշավիր Ղարամյանի, Մոնթե Մելքոնյանի ղեկավարությամբ սանձազերծված ագրեսիայի, բանավոր և գրավոր հրամաններով իրականացված պատերազմի հետևանքների վերաբերյալ։ Պետական ​​մեղադրողներ Ֆուադ Մուսաևը և Վյուսալ Աբդուլլաևը հրապարակել են ագրեսիվ պատերազմի ընթացքում կատարված անհատական ​​հանցագործությունների փաստերը և մեղադրական եզրակացության օպերատիվ մասը՝ այս հանցագործություններին գործին ամբաստանյալների մասնակցության վերաբերյալ»։

Նշվել է, որ 1988-2024 թվականներին դիտավորյալ սպանվել է 18850 մարդ, այդ թվում՝ 3493 քաղաքացիական անձ և 15357 զինվորական։

Բաքուն շարունակում է հաշվեհարդար տեսնել հայ գերիների ու պատաների նկատմամաբ՝ նրանց վերագրելով շինծու մեղադրանքներ։

Կեղծարարությունն ու անպատժելիությունը հասել են նրան, որ պատերազմական հանցագործ, օկուպանտ, ցեղասպան այդ երկիրը հեռավար դատավարություն է սկսել նաև վերոնշյալ գործիչների նկատմամբ։