Արմեն Չարչյանի փաստաբան Էրիկ Ալեքսանյանը տեղեկացնում է․
ՀՀ ԱԺ պատգամավոր, պրոֆեսոր Արմեն Չարչյանին ներկայացված նոր մեղադրանքով այսօր քննիչը հայտարարել է նախաքննության ավարտ։ Պաշտպանության կողմին տրամադրվել են քրեական վարույթի ողջ նյութերը (14 հատոր)։
Հիշեցնենք, որ «Հայաստան» խմբակցության պատգամավոր Արմեն Չարչյանի նկատմամբ Գլխավոր դատախազը մեղադրանք է առաջադրել «Հաց բերող» անունով հայտնի Արթուր Սարգսյանի առողջական վիճակի վերաբերյալ բժշկական կեղծ եզրակացություն տալու համար:
Չարչյանի նկատմամբ խափանման միջոց է ընտրվել բացակայելու արգելքը:
Արմեն Չարչյանը մեղադրանքը չի ընդունում։
