Լոս Անջելեսում ու Բեյրութում զուգահեռ լույս տեսնող մեր քույր հրապարակության՝ «Պայքար» շաբաթաթերթից խորը ցավով տեղեկանում ենք, որ կյանքից վաղաժամ հեռացել է ամերիկահայ հայտնի գործիչ, անկախության առաջին եւ հետագա տասնամյակին Երեւանում լայն ծավալի գործունեություն ծավալած եւ հատկապես Ամերիկայի հայկական համագումարի շրջանակում արդյունավետ աշխատանք իրականացրած ակտիվիստ Արփի Վարդանյանը։ Մի շրջան վարել է Համագումարի վաշինգտոնյան կենտրոնական գրասենյակի տնօրենի պաշտոնը, նաեւ, տարբեր տարիների, Երեւանում կազմակերպության ներկայացուցչի պարտականությունները։
Աշխույժ, կենսասեր, բանիմաց, միշտ օգնության ու խորհրդի պատրաստ հայուհու նրա կերպարը վառ կմնա նրան ճանաչողների հուշերում։
«Ազգ»ը ցավակցում է նրա գործընկերներին ու հարազատներին։
