ՄԹ-ում ՀՀ դեսպան Վարուժան Ներսեսյանը Լոնդոն Սիթիի քաղաքապետ Նիկոլաս Լիոնսի հետ է հանդիպել և քննարկել Լոնդոնի և Հայաստանի միջև հնարավոր համագործակցության հեռանկարները ֆինանսատնտեսական, ենթակառուցվածքների, զբոսաշրջության և այլ ոլորտներում։
Դեսպանը Լորդ քաղաքապետին է ներկայացրել Հայաստանի տնտեսական հնարավորություններն ու ներդրումային գրավչությունը, ինչպես նաև Հայաստանում ընթացող ժողովրդավարական բարեփոխումները։
Դեսպան Ներսեսյանն անդրադարձել է նաև Լաչինի միջանցքի շարունակվող շրջափակմանը և Լեռնային Ղարաբաղի հայության վրա դրա ծանր տնտեսական հետևանքներին։
