Երևանի քաղաքապետարանի «Երևանի աղբահանության և սանիտարական մաքրում» համայնքային կազմակերպությունը 60 հազար հատ ցախավել է գնել, մեկ միավորի գինը՝ 400 դրամ արժեքով։ Գնման ընդհանուր գումարը կազմել է 24 մլն դրամ՝ 61 հազար դոլար։ Հետաքրքիրն այն է, որ այս ՀՈԱԿ-ը ունի 384 աշխատակից, այսինքն՝ 1 հավաքարարին բաժին է հասնում 156 ցախավել։
Ինչու են նման քանկությամբ ցախավել գնել. հարցին պատասխանել է քաղաքապետարանի լրատվության վարչության պետ Լեւոն Սարդարյանը:
«Քաղաքը մաքրելու համար օգտագործվում է օրական 1000 և ավելի ցախավել: Այսինքն՝ նշված խմբաքանակը բավականացնելու է մաքսիմում 2 ամիս»,- նշել է նա:
Այսինքն, ցախավելները մեկանգամյա օգտագործման են, կամ` առնվազն այնքան կարճ կյանք ունեն, որ 2 ամսում 60 հազար ծախավել է մաշվում, դեն նետվում: Բայց դա պետք է նաեւ նշանակեր, որ մեր քաղաքը ամեն օր ջանասիրաբար ավլում- մաքրում են:
