Պատժամիջոցները ռուսների հանգստին «վայիս» չեն եղել

Եվրոպայի ու Ամերիկայի կողմից ընդդեմ Ռուսաստանի կիրառվող պատժամիջոցներից հետո, թվում էր, թե արտերկրում հանգստի մեկնող ռուսաստանցիների թիվը պակասելու է։ Բայց, փաստացի, դրսում հանգստացող ռուս զբոսաշրջիկների թիվը նույնն է մնացել, պարզապես տուրիստական ուղղություններն են փոխվել։ Այս մասին «Radio ZET»-ն է հայտնում։

Ռադիոկայանի տեղեկություններով՝ թեեւ ռուսաստանաբնակներն, իսկապես, երկրից դուրս գալու հարցում խոչընդոտներ են ունեցել, բայց հանգստի մեկնել, այնուամենայնիվ, կարողացել են։ Եվ եթե 2021-ին Ռուսաստանից արտերկիր մեկնողների թիվն ավելի քան 19 միլիոն է եղել, ապա 2022-ին այն բարձրացել է մինչեւ 22․5 միլիոն։

Ռուսաստանցիները նախընտրել են Թուրքիա, Թայլանդ, Արաբական Միացյալ Էմիրություններ, Մալդիվներ ու Եգիպտոս մեկնել։

Ս․Վ․