Պետական աջակցության ծրագրով մինչ հիմա Ոսկեպարում ոչ մի տուն չի կառուցվել, Բաղանիսում կառուցվել է 2-ը. հայտնում է տավուշցի լրագրող Ոսկան Սարգսյանը։
«Տավուշի մարզպետ Հայկ Ղալումյանին տեղեկատվական հարցում եմ արել, թե Տավուշի մարզի սահմանամերձ Ոսկեպար, Բաղանիս, Կիրանց, Բերքաբեր գյուղերում պետական աջակցությամբ, մինչև 21 միլիոն վարկային ֆինանսավորմամբ քանի՞ առաձնատուն է կառուցվել, քանի՞սն է ներկայումս կառուցվում։
Մարզպետարանից պատասխանել են, որ մինչև հիմա Ոսկեպարում այդ ծրագրով ոչ մի առանձնատուն չի կառուցվել, Բաղանիսում կառուցվել է 2-ը, Կիրանցում ՝17-ը, Բերքաբերում՝ 46-ը։ Ոսկեպարում այդ ծրագրով ներկայումս 37 առանձնատուն է կառուցվում, Բաղանիսում՝ 40, Կիրանցում ՝1, Բերքաբերում՝ 25։ Բոլոր տների կառուցման համար նախատեսված է 21 միլիոն դրամ, ընդհանուր գումարը կազմում 3 միլիարդ 528 միլիոն դրամ»,- գրել է լրագրողը։
