Ամերիկացի սենատոր 70-ամյա Ռոբերտ Մենենդեսը մեղավոր է ճանաչվել 16 հոդվածներով, այդ թվում՝ կաշառակերություն, շորթում, արդարադատությանը խոչընդոտում և օտարերկրյա գործակալ հանդես գալու համար:
Սենատորը հերքում է իր մեղքը բոլոր կետերով, սակայն նրան սպառնում է մինչև 20 տարվա ազատազրկում։
Մենենդեսը կարող է բողոքարկել որոշումը։
Ադրբեջանական զլմները այս լուրի տակ գրել են. «Դեմոկրատական կուսակցության ամերիկացի սենատոր Ռոբերտ Մենենդեսը, որը հայտնի է Հունաստանի և Հայաստանի շահերի լոբբինգով և հակաթուրքական նախաձեռնությունների հեղինակությամբ, կասկածվում էր օտար պետությանը «չափազանց զգայուն» տեղեկատվություն փոխանցելու մեջ։
Դատախազների խոսքով՝ սենատոր եղած ժամանակ Մենենդեսը ցանկանում էր «գաղտնի կերպով Եգիպտոսին տրամադրել ԱՄՆ կառավարության գաղտնի տեղեկատվություն»՝ օգտագործելով «իր պաշտոնական դիրքորոշումը»:
Խուզարկությունների ընթացքում նրանից և կնոջից՝ Նադինե Արսլանյանից առգրավվել է մոտ 500 հազար դոլար կանխիկ գումար, ոսկու ձուլակտորներ, շքեղ մեքենաներ և կահույք»։
Ակնհայտ է Ադրբեջանի հրճվանքը՝ Մենենդեսի դատավարության առիթով։ Ինչպես հայտնի է, ամերիկացի սենատորը մշտապես ջանացել է պաշտպանել արդարությունը և ճշմարտություները, Բաքվի հանցանքների դեմ ամերիկյան կառավարության լռությանը հակադրել հայանպաստ բանաձևեր ու հայտարարություններ։
