Վկաները խուսափու՞մ են դատարան գալ. Սերժ Սարգսյանի և մյուսների գործով վկային բերման ենթարկելու որոշում  է կայացվել

16

Վկաները չէին ներկայացել դիզվառելիքի գործով դատական հերթական նիստին, ինչն էլ նիստը հետաձգելու և օգոստոսի 25-ին նշանակելուպատճառ դարձավ:

Այսօր Երևան քաղաքի ընդհանուր իրավասության դատարանի Ավան նստավայրում ընթանում էր  ՀՀ  երրորդ նախագահ Սերժ Սարգսյանի և մյուսների գործով դատական նիստը:

Դատարանը վկաների հարցաքննման փուլում  է:

Դատարանի որոշմամբ վկաներից մեկը պետք է բերմանեն թարկվի: Դատավոր Վահե Միսակյանը հայտնեց, որ կրկին կդիմեն ոստիկանություն՝ վկային հաջորդ նիստին բերման ենթարկելու պահանջով:

Գործով անցնող մյուս վկան դատարանին տեղեկացրել  էր, որ նիստին ներկայանալ  չի կարող, քանի որ բացակայում  է երկրից:

Դատարանը նպատակահարմար չգտավ հրավիրել  3-րդ վկային:

Հիշեցնենք, որ Սերժ Սարգսյանին մեղադրանք է առաջադրվել  ՀՀ  քրեական օրենսգրքի  38-179-րդ հոդվածի  3-րդ մասի  1-ին  կետով՝ առանձնապես խոշորչափերով յուրացնելը կամ վատնելը։

Ըստ մեղադրական եզրակացության՝  Սերժ Սարգսյանի կազմակերպմամբ, Բարսեղ Բեգլարյանի դրդմամբ, Սամվել Գալստյանի ու Գևորգ Հարությունյանի օժանդակությամբ Սերգո Կարապետյանի կողմից  2013  թվականի հունվարի  25-ից  փետրվարի  7-ն ընկած ժամանակահատվածում  ՀՀ կառավարության պահուստային ֆոնդից վատնվել  է պետական աջակցության ծրագրերի իրականացման ընթացքում իրացված  15.391.765 լիտր դիզելային վառելիքի համար հատկացված սուբսիդիայի առանձնապես խոշոր չափերով գումարը՝ 489.160.310 ՀՀ դրամ:

Երրորդ նախագահի նկատմամբ որպես խափանման միջոց է ընտրվել  ստորագրություն՝  չհեռանալու մասին։

Նշենք, որ դիզվառելիքի քրեական գործով անցնող 5 մեղադրալներից 2-ը մահացել են:

2010-2016 թթ. Գյուղատնտեսության նախարարի պաշտոնը զբաղեցրած Սերգո Կարապետյանը մահացել  է  2021թ.-ի փետրվարի 18-ին: Իսկ 2003-2016 թթ. Գյուղնախարարի տեղակալ աշխատած ու սույն գործով որպես մեղադրյալ Սամվել Գալստյանը կյանքից հեռացել  է 2021թ.-ի հունավրի  13-ին: