«Այլընտրանք» ՀԿ-ի ղեկավար, «Հայաստան» դաշինքի անդամ Նարեկ Մանթաշյանը ազատության մեջ լինելու է կիսահաշմանդամի կարգավիճակում. այսօրվա դատական նիստի ավարտին ասաց նրա պաշտպան Ալեքսանդր Կոչուբաևը:
«Հավատացնում եմ, որ նման բնույթի գործերով նման ակտ կայացնելու համար անհարժեշտ է անկախության չափազանց բարձր դոզա։ Վստահ եմ՝ այս որոշումը հեշտ չի տրվել դատավոր Ֆարխոյանին»,- վստահեցրեց փաստաբանը:
Նշենք, Երևանի ընդհանուր իրավասության դատարանի դատավոր Կարեն Ֆարխոյանը փոխեց Նարեկ Մանթաշյանի խափանման միջոց կալանավորումը՝ գրավի չափ սահմանվելով 20 մլն դրամը։
Ալեքսանդր Կոչուբաևի փոխանցմամբ՝ ընտանիքը, ընկերները պատրաստակամ էին 15 մլն դրամ վճարել որպես գրավ ու հիմա պետք է մտածեն, թե ինչպես վճարեն այդ գումարը։
«Մանթաշյանի ընտանիքի համար 20 մլն դրամը բավական մեծ գումար է և այնպես չէ, որ անմիջապես գումարը կմուծվի ու կես ժամից նա ազատ կարձակվի»,- ասաց փաստաբանը:
