Շախմատի համաշխարհային 44-րդ օլիմպիադայում Հայաստանի հավքականի խաղին է անդրադարձել Ամերիկայի Միացյալ Նահանգները ներկայացնող հայ շախմատիստ, գրոսմայստեր Լևոն Արոնյանը։ Twitter-ի իր միկրոբլոգում նա գրառում է արել. «Ուզբեկսանի և Հնդկաստանի թիմերի կողմից անհավանական ելույթներ եղան, սակայն Հայաստանն ինձ համար առանձնահատուկ է։
«Արծաթ նվաճելն ու ոսկուն այդքան մոտ լինելն ուղղակի անհավատալի է. ես հպարտ եմ դրա համար։ Հուսով եմ, որ սենսացիոն ելույթն արժանի ճանաչում կգտնի»,-գրել է նա։
Հիշեցնենք, որ Հնդկաստանի Չեննայ քաղաքում ընթացող Շախմատի համաշխարհային 44-րդ օլիմպիադայի վերջին՝ 11-րդ տուրում, Հայաստանի տղամարդկանց հավաքականը հաղթեց Իսպանիայի թիմին` 2.2-1.5 հաշվով։ Միակ հաղթանակը տարել է Գաբրիել Սարգսյանը՝ Ալեքսեյ Շիրովի նկատմամբ։ Մյուս 3 շախմատիստները խաղացել են «ոչ ոքի»։
Հայաստանի հավաքականը վաստակել է 19 միավոր: Նույնքան միավոր է ունեցել Ուզբեկստանը, սակայն, լրացուցիչ ցուցանիշների հաշվին վաստակել է չեմպիոնի կոչումը։
