Այո, առավոտյան վաղ արթնանալն ու մարզվելու գնալն իրական փորձություն է։ Բայց հանուն գեղեցիկ կառուցվածքի ու մկանոտ մարմնի՝ պարզապես պետք է թողնել հարմարավետ մահճակալն ու շտապել վազելու՝ ինչքան էլ որ տաքուկ անկողինը բաց չթողնի մեզ։
Սպորտսմեններն ու մարզիչներն էլ կհաստատեն՝ առավել օգատակար է առավոտյան, քան երեկոյան մարզվել։ Բայց առավոտյան կանուխ արթնանալը շատերի համար է լուրջ փորձություն։ Անհաղթահարելի թվացող այս խնդիրը, սակայն, կարող է հեշտությամբ լուծել՝ ստորեւ առաջարկվող մի քանի փորձված մեթոդների շնորհիվ։
1․ Զարթուցիչն անկողնուց հնարավորիս հեռու դրեք։ Այնքան հեռու, որ այն ձեռքով վերցնելն ու դրան դիպչելն անհնար լինի։ Այդպես չեք կարողանա անջատել զարթուցիչն ու «ևս հինգ րոպե քնել»։
2․ Զրթուցիչն անջատելուց անմիջապես հետո լոգարան գնացեք։ Սառը ջրով լվացվեք կամ ցայվեք։ Ջուրն ինչքան սառը լինի, այնքան հեշտ կարթնանաք։
3․ Առավոտյան մարմնամարզության մեկ ուրիշի՝ ընկերոջ հետ գնացեք։ Երկուսով մարզվելու պայմանավորվածություն ունենալու պարագայում՝ ձեր ընկերն անպայման կզանգի ու կհանի քնից։ Բացի այդ՝ մարզումն էլ ավել թեթեւ ու հեշտ կանցնի։
4․ Պայուսակը միշտ նախորդ օրը երեկոյան հավաքեք։ Այդպես ոչ միայն անհրաժեշտ իրերը չեք մոռանա, այլ նաեւ երեկոյան՝ քնելիս, եւ առավոտյան՝ անկողնում, անհրաժեշտ իրերն ի մի բերելու ու պայուսակը հավաքելու միտքը ձեզ չի տանջի։
5․ Եվ, իհարկե, շուտ արթնանալու ամենակարեւոր գրավականը ճիշտ տրամադրվածությունն ու նպատակն է։ Ամենախոր քունն անգամ ի զորու չէ հաղթել ձեզ, եթե պառկեք քնելու այն մտքով, որ հենց վաղ առավոտվա մարզումից է կախված, թե ինչքան արագ մկանոտ ու գեղեցիկ մարմին «կկերտեք» ու ինչ հաջող ընթացք կունենա ձեր օրը մարզասրահից հետո։
Ս․Վ․
