Սոցցանցերում Երևանի կենտրոնում գրեթե արմատից կտրված, առողջ բնով ծառերի լուսանկարներ են տարածվել։ Հատկապես Կասկադի տարածքում ոչ թե առողջացման էտի, այլ ոչնչացման ենթարկված ծառերի մասին ահազանգում են նաև բնապահպանները։ Անգամ Երևանի քաղաքապետարանի հարակից տարածքում են հաստաբուն ծառերը հատվել։
Առավոտից այս թեման սոցցանցերում «եռում է», սակայն ոչ մի պատկան մարմին՝ ո՛չ քաղաքապետարանից, ո՛չ Շարջակա միջավայրի նախարարությունից, բացատրություն չի տալիս, թե որն է ծառերի հատման պատճառը։
Թեև ակնհայտ է, որ Երևանի կենտրոնում սաղարթախիտ ծառերը, որոնք օդը մաքրելու հատկություն ունեն, փոխարինվել են էկզոտիկ տեսակներով, օրինակ՝ առանց տերևի ու սաղարթի, միայն վարդագույն ծաղիկներով պաճուճված փոքր ծառերով։
Արդյո՞ք ծաղկեփունջ հիշեցնող, տերևազուրկ ծառերն օդը մաքրելու, թթվածին արտադրելու հատկություն ունեն։
Պետք չէ մասնագետ լինել այս հարցին պատասխանելու համար։
