Փաստաբան Ալեքսանդր Կոչուբաևը գրում է.
Մի քանի ամիս առաջ Էջմիածին քաղաքում տեղի էր ունեցել սպանություն, որի օժանդակության մեջ մեղադրվում է իմ պաշտպանյալ Ա. Մ.-ն: Այս գործով նախաքննական մարմինը կալանավորման շրջանակներում ներկայացրել էր «փակ» վկայով ցուցմունք, առ այն, որ տուժող Ա. Ա.-ն վկային հայտնել է, որ տեսել է իրենց վրա կրակողներին: Կալանավորման երկարացման վարույթում ներկայացվել է մեկ այլ «փակ» վկայով ցուցմունք, որ տուժողը այդ անձին ևս հայտնել է, որ տեսել է կրակողներին: Հատկանշական է, որ տուժող Ա. Ա.-ի հետ առերեսվելու իմ միջնորդությունը անտեսվել է նախաքննական մարմնի կողմից: Ահասկանալի է՝ ինչու՞ չի իրականացվում տուժողի և մեղադրյալի առերեսումը, եթե տուժողը տեսել է կրկողներին և դրա մասին հայտնել է երկու անձանց, ովքեր էլ իրենց հերթին ցուցմունքներ են տվել, ապա ինչու՞ հենց տուժողը չի պնդում դրանք առերես: Իմ պաշտպանյալ Ա. Մ.-ն արդեն 3 ամիս է կալանքի տակ է, միայն այն բանի համար, որ տուժող Ա. Ա.-ն երկու հոգու պատմել է դեպքի մասին: Հատկանշական է, որ առերեսումը չիրականացնելու դեմ տարված բողոքս հսկող դատախազը ևս անտեսել է, դատախազի և քննիչի անգործության դեմ բողոք կներկայացվի դատարան:
