Երևանի Կապույտ մզկիթի նիստերի դահլիճում մայիսի 23-ին, ժամը 18:30-ին տեղի կունենա հոգեհանգստյան արարողություն՝ ի հիշատակ Իրանի Իսլամական Հանրապետության նախագահ Այաթոլլա Սեյեդ Էբրահիմ Ռայիսիի և նրան ուղեկցող պատվիրակության անդամների։
Այդ մասին հայտնում են Հայաստանում Իրանի դեսպանության մշակույթի կենտրոնից՝ նշելով, որ ցանկացողները կարող են այցելել Կապույտ մզկիթ՝ հարգանքի տուրք մատուցելու նահատակներին։
