Շիրակի մարզպետ Մուշեղ Մուրադյանը ֆեյսբուքյան իր էջում գրել է.
«Խոր ցավ ու կսկիծ ապրեցի՝ անցած գիշեր Գյումրի-Լանջիկ ավտոճանապարհին տեղի ունեցած ողբերգական ավտովթարի մասին տեղեկանալով: Մարզպետի աշխատակազմի և անձամբ իմ անունից ցավակցություններ եմ հայտնում պատահարից զոհվածների ընտանիքներին, մերձավորներին ու բարեկամներին՝ մաղթելով տոկունություն։ Անչափ ցավալի է, երբ իմանում ենք անդառնալի կորուստների մասին, ողբերգական այս վթարը 11 անմեղ մարդու կյանք խլեց։
Շուտափույթ ապաքինում եմ մաղթում բոլոր վիրավորներին, «Գյումրի բժշկական կենտրոնի» վերակենդանացման բաժանմունքում բուժում ստացող հինգ վիրավորների բուժման ընթացքը կլինի մեր ուշադրության կենտրոնում»։
