«Ընդհանուր առմամբ 140-ից ավելի պացիենտներ Արցախից տեղափոխվել են բժշկական կենտրոններ միայն այրվածքներով։ Կան ծայրահեղ ծանր վիճակում պացիենտներ՝ բժիշկները պայքարում են նրանց կյանքի համար»,-Գորիսում, լրագրողների հետ զրույցի ժամանակ ասել է Առողջապահության նախարար Անահիտ Ավանեսյանը։
Այրվածքներ ստաղած արցախցիներին ուղղաթիռով են տեղափոխել Երևան, սակայն նրանցից մեկին հարազատները մինչ այսօր չեն գտնում։
«Մենք ունենք միասնական տվյալներ, այսինքն՝ մեր բոլոր բուժհաստատություններում գտնվող պացիենտների ցանկը ամբողջականացված հասանելի են մեր թեժ գծի պատասխանատուներին։ Եվ նրանք տիրապետում են։
Եթե պացիենտը բուժհաստատությունում է, ապա մենք նրա տվյալներն ունենք, իսկ եթե այդ ցանկում չկա, գիտեք, որ Արցախի կողմից հայտարարվել էր, որ պայթյունի ժամանակ եղել են նաև անհետ կորածներ, պետք է ճշտել։
80-03 «թեժ» հեռախոսահամարով կարող են զանգահարել, և մարդկանց ամբողջական տեղեկատվություն կտան»,- նշել է Անահիտ Ավանեսյանը։
