Մինչև սեպտեմբերի 20-ը հետաձգվեց «Սիլվայի գործով» դատական նիստը:
Ռոբերտ Քոչարյանը այսօր դատարան չէր եկել: Ըստ Հայկ Ալումյանի՝ ՀՀ երկրորդ նախագահը հուլիսի 14-ին կորոնավիրուսի թեստ է հանձնել, որը դրական է եղել:
ԱԺ «Հայաստան» խմբակցության պատգամավոր Արմեն Գևորգյանի պաշտպան Լուսինե Սահակյանը տեղեկացրեց, որ օգոստոսի 2-23-ը գտնվելու է արձակուրդում և խնդրեց այդ ընթացքում դատական նիստեր չնշանակել։
Երևան քաղաքի ընդհանուր իրավասության դատարանի դատավոր Աննա Դանիբեկյանը ևս օգոստոսի 22-ից մինչև սեպտեմբերի 16-ը ներառյալ արձակուրդում կլինի:
Հիշեցնենք, որ նախորդ նիստին Աննա Դանիբեկյանը թույլատրել էր «Հայաստան» խմբակցության պատգամավոր Արմեն Գևորգյանին ժամանակավորապես՝ հուլիսի 5-ից մինչև հուլիսի 19-ը, բացակայել երկրից՝ մասնակցել Ռուսաստանի Դաշնությունում կայանալիք ՀՀ-ՌԴ միջխորհրդարանական հանձնաժողովի նիստի աշխատանքներին:
