«Միքայել Բադալյանի կալանքի ժամկետը երկարացվեց 20 օրով», – տեղեկացրել է պաշտպան Էրիկ Ալեքսանյանը։
Փաստաբանը, վերլուծելով հին և նոր օրենքների հիմքերը, հայտարարել էր, թե Բադալյանի կալանքը երկարացնելու միջնորդությունն ապօրինի է, քանի որ քննիչը մեկ ամսվա ընթացքում նախաքննության համար ոչինչ չի արել, հիմա էլ նորից ուզում է երկարացնել կալանքը։ Էրիկ Ալեքսանյանը հայտարարել էր, որ դատական նիստում քննիչը չի կարողացել որևէ կերպ հիմնավորել, թե ինչու Միքայել Բադալյանը պետք է շարունակի մնալ նախնական կալանքի տակ։
Հիշեցնենք , որ բլոգեր Միքայել Բադալյանին մեղադրանք է առաջադրվել ՀՀ քրեական նախկին օրենսգրքի 259-րդ հոդվածի հատկանիշներով՝ ահաբեկչության մասին սուտ հաղորդում տալը։
