Պատերազմի պատճառների մասին ՀՀ արտաքին գործերի նախկին նախարար Վարդան Օսկանյանը` «Արցախի Հանրապետության միջազգային ճանաչման հրամայականը» խորագրով գիտագործնական համաժողովին ասաց․
«Այս պատերազմը մենք մեր գլխին ենք բերել, որովհետև տապալել ենք բանակցությունները։ Մենք պատերազմը պարտվել ենք, որովհետև չենք կարողացել պահպանել ռազմական հավասարակշռությունը։
Մենք պարտվել ենք պատերազմը խայտառակ ձևով, որովհետև այդ պատերազմը վարել ենք շատ վատ»։
Վարդան Օսկանյանը հակադարձել է անխուսափելի պատերազմի մասին իշխանական թեզին`
«Չկա պատերազմ, որից հնարավոր չէ խուսափել,հակառակի պնդումը պարզապես քաղաքական անփորձությունը և անզորությունը բացատրելու և արդարացնելու կանխավարկած է»։
Վարդան Օսկանյանը խոսել է նաև պատերազմի և նախապատերազմյան շրջանում իշխանությունների քաղաքական որոշումների մասին՝
«Եթե մենք մտել ենք մի պատերազմի մեջ, որից ուզում էինք խուսափել, ուրեմն նշանակում է, որ այդ օրերին Հայաստանի քաղաքական իշխանությունը չի կարողացել ճիշտ քաղաքական որոշումներ կայացնել և տապալել է բանակցությունները, որը և բերել է պատերազմի»։
