«Ոսկեպարցիներին ու բաղանիսցիներին ուզում են ընդգրկել սահմանազատման ու սահմանագծման պետական հանձնախմբում. Տեսեք՝ ինչ թակարդ է սա։ Նրանք էլ միամիտ-միամիտ համաձայնել են, բայց ընդգրկվել են ոչ թե ցանկացողները, այլ նրանք, ում ընտրել են»,- Ոսկեպարում կազմակերպված հանդիպման ժամանակ ասաց Տավուշի թեմի առաջնորդ Տեր Բագրատ արքեպիսկոպոս Գալստանյանը։
Ի՞նչ է սրա տակ թաքնված. բացատրում է Սրբազանը.
«Եթե գյուղացիները մասնակցեն սահմանագծման ու սահմանազատման գործընթացին, ասելու են՝ դուք մեջն էիք, չէ՞, դուք եք համաձայնել, դուք եք արել, քննարկեցինք, որոշեցիք, դուք համաձայնեցիք։
Իսկ եթե պատերազմ լինի, կասեն՝ էլի դուք արեցիք, չհամաձայնեցիք, որ տարածքները տանք, իրենք էլ պատերազմ արեցին»։
Իշխանությունների կյանքւոմ ապաշխարություն, զղջում գոյություն չունեն։ Ամեն ինչում ժողովուրդն է մեղավոր։ Բոլորն են մեղավոր։
«Ինչ որ պատահել է մեր երկրին ու պատահում է, դո՛ւք եք մեղավոր, իշխանավորներ, միայն դո՛ւք, որ ապահով ու անվտանգ երկիր ժառանգած լինելով հանդերձ՝ բերել-հասցրել եք այս օրվան»,- ասաց Բագրատ Սրբազանը։
