Ով եկավ թագավոր, մի շաբաթ հետո բամբասեցինք, ով եկավ, ասինք՝ մորքուր ա, ով եկավ, ասինք՝ Սիրուշ ա. լրագրողների հետ զրույցում ասաց Վազգեն Սարգսյանի 66-ամյակի առիթով Եռաբլուր եկած ազատամարտիկ Մարտին Սարգսյանը, որն առավել հայտնի է «Տիգրան Մեծի ումուդ» անունով։
30 տարի մի օր չտեսանք, որ Արցախը տային. փառքով, պատվով ապրել ենք. «Արցախը նախկիններն են տվել» իշխանական շրջանառվող թեզի մասին ասաց ազատամարտիկը։
Նա դժգոհեց, որ ուզում են իր հերոս ընկերների փառքի անկյուն ստեղծել, բայց պետությունը չի թողնում։
«Իմ մարտական ընկերները սրտից վիրավոր են՝ հոգեպես, բարոյապես։ Ես 160 հազար դրամով պահակ եմ աշխատում, իմ ընտանիքը պատվով պահում, բայց երբեք պետությունից փող չեմ մուրում։ Իրանք հարստանում են, ջիպերով ման են գալիս, ես պատերազմի 2-րդ կարգի հաշմանդամ եմ։ Բայց, ոչինչ, ես չեմ քննադատում, վատը չեմ ասում, Աստված բոլորի դատաստանը կտեսնի»,- ասաց 3 պատերազմների մասնակից ազատամարտիկը։
1990-ականների արցախյան պատերազմը հիշեց. «Հրամանատարս Շահումյանում մի օր ասաց՝ ումուդ ջան, մի նեղվեք, 100 տարի հետո նոր մեզ կճանաչեն, ոնց որ 100տարի հետո ճանաչեցին Անդրանիկին, Չավուշին, Աղբյուր Սերոբին»։
Նրա կարծիքով՝ եթե Մանվել Գրիգորյանը ողջ լիներ, նման պատկեր չէինք ունենա։ 2016 թվականին, մի գիշերվա մեջ գեներալը 3000 հոգու ոտքի է հանել։
Վերջին ֆրոնտին էլ 2 տղաներիս հետ եմ մասնակցել, հպարտանում էի մինչև նոյեմբերի 9-ը։ Բայց նոյեմբերի 9-ից հետո…
Մանրամասները՝ տեսանյութում.
