Շենգավիթի ընդհանուր իրավասության դատարանն այսօր շարունակել է քննվել Բագրատ արքեպիսկոպոս Գալստանյանի և «18 արդարների. գործը։
«Հայաստան» խմբակցության պատգամավոր Արթուր Սարգսյանի խափանման միջոց կալանքը դեկտեմբերի 1-ին փոխարինվել է տնային կալանքով՝ 20 միլիոն գրավի դիմաց։
Պաշտպան Արամ Վարդևանյանը միջնորդություն ներկայացրեց, որպեսզի Արթուր Սարգսյանին թույլատրվի տնային կալանքի մեջ գտնվելիս շփվել մոտ հարազատների՝ ծնողների, քույրերի, եղբոր ու նրանց ընտանիքների հետ, ինչը նախկինում արգելված էր։ Դատարանը բավարարեց միջնորդությունը։
«Ես ազատության մեջ կլինեմ այն ժամանակ, երբ մեզ մեղադրողները ասեն, որ սա շինծու գործ է»,-դատարանի դահլիճց հայտարարեց Արթուր Սարգսյանը։ Պաշտպանները միջնորդեցին, որպեսզի դատարանը թույլ տա Բագրատ Սրբազանին մասնակցել Գարեգին Երկրորդ ամենայն հայոց կաթողիկոսի՝ դեկտեմբերի 10-12-ը հրավիրած եպիսկոպոսաց ժողովին։
Դատավոր Կարեն Ֆարխոյանը հայտարարեց, որ այդ միջնորդությունը կքննվի դեկտեմբերի 9-ին՝ ժամը 15։30-ին։
Դատական նիստը փակվեց, ոբայց Բագրատ Սրբազանը հայտարարեց, որ աջակցում է մոտ 1 ժամ առաջ ՔԿ-ում ձերբակալված Արշակ Սրբազանին։ Նաև ասաց, որ դեկտեմբերի 9-ի դատական նիստի հետ հույսեր չի կապում։ «18 արդարների» գործով անցնող Վահագն Չախալյանը դիմեց դատախազներին՝ ես 3 մարդու խոսակցության ձայնագրության հիմքով 5 ամիս է նստած եմ, դուխներդ չի՞ հերիքում Արցախը հանձնած, 150 հազար արցախցիներին տնից ու տեղից, հողից զրկած Փաշինյանին նստեցնեք։
