«Մեր ձևով» շարժումն այսօր հաշվետու ժողով է կազմակերպել, որին մասնակցել են հազարավոր կամավորներ։
Առավոտից Եղվարդի խճուղին ու հարակից տարածքը խցանումների մեջ են, որովհետև մարդիկ շտապում են Prime Hall համալիր, որտեղ տեղի է ունենում «Մեր ձևով» շարժման ժողովը։
Azg.am-ն արձանագրել է, որ հազարավոր մարդիկ շրջապատել են Prime Hall համալիրը. ներսում այլևս տեղ չկա։ Քաղաքացիները եկել են իրենց աջակցությունը հայտնելու քաղբանտարկյալ Սամվել Կարապետյանին ու նրա թիմին։
«Մեր ձևով» շարժման այսօրվա ժողովը պետք է որ իշխանություններին մտածելու, զգուշանալու տեղիք տա։ Անհերքելի է, որ մարդիկ ինքանկամ են եկել հանդիպմանը, եկել են ՝ իշխանություններից ձերբազատվելու հույսի շող տեսնելու, հավաստիանալու, որ մինչև ընտրություններ, «Մեր ձևով» շարժումը թափ կհավաքի ու հակակշիռ կլինի իշխանություններին։
Արցախցիների իրավունքների պաշտպանությունը և միջազգային ատյաններում նրանց իրավունքների պաշտպանությունը, Մայր Հայաստանում նրանց արժանապատիվ կյանքի ապահովումը մեր թիմի համար սակարկման ենթակա չէ և այլընտրանք չունի։ Արցախ վերադարձի հարցը մեզ համար փակ չէ, հայտարարել է «Մեր ձևով» շարժման անդամ Արեգա Հովսեփյանը:
