Գործի վերաբերյալ որեւէ բան չեմ կարող ասել, բայց սա ապօրինի գործ է։ Այսօր հարցաքննությունից հետո լրագրողների հետ զրույցում ասաց Գուգարաց թեմի առաջնորդ Հովնան եպիսկոպոս Հակոբյանը։
«Մինչեւ հիմա չհասկացա, թե ինչի համար են կանչել։ Սրանք բռնաճնշումներ են, փորձում են լռեցնել եկեղեցուն եւ հոգեւորականներին։ Մայր Աթոռը որեւէ հակականոնական գործողություն չի արել»,– ասաց Սրբազանը։
Իսկ փաստաբան Արմինե Ֆանյանը հայտնեց, որ Հովնան սրբազանի նկատմամբ որպես խափանման միջոց է ընտրվել բացակայելու արգելքը։
