Հայաստանը պատրաստ է թեկուզ վաղը Թուրքիայի հետ բաց սահման և դիվանագիտական հարաբերություններ ունենալ. լրագրողների հետ զրույցում հայտարարել է հայ-թուրքական հարաբերությունների կարգավորման գործընթացում ՀՀ հատուկ ներկայացուցիչ Ռուբեն Ռուբինյանը։
Ռուբինյանը վստահեցրել է, որ հայկական կողմից խոչընդոտներ չկան, իսկ հարաբերությունների հաջող հաստատման օրինակ է բերել ՀՀ-ի և Պակիստանի միջև վերջերս դիվանագիտական հարաբերությունների հաստատումը։ Ըստ նրա՝ դա նշանակալի իրադարձություն է և հույս կա Թուրքիայի հետ գործընթացում առաջընթացի։
«Կամքի առկայության դեպքում, իսկ մեր կողմից այն կա, դա տեղի կունենա կարճ ժամկետներում»,- հայտարարել է Ռուբինյանը՝ հիշեցնելով, որ հայկական կողմից որևէ նախապայման չկա և վստահեցնելով, որ այս ուղղությամբ աշխատանքները կշարունակվեն։
