Իշխանությունները չեն մարսում, որ Գյումրին ղեկավարում է ոչ թե քպ-ականը, այլ Վարդան Ղուկասյանը։
ԱԺ-կառավարություն հարցուպատասխանի ժամանակ գյումրեցի քպ-ական պատգամավոր Կարեն Սարուխանյանն անհարգալից ու անվայելուչ արտահայտություններով բնութագրեց Վարդան Ղուկասյանին՝ նրան անվանելով «Վարտանիգ», «բրյուշատկաներ գողացողի հայր»։
Փաշինյանն էլ հայտարարեց. «Դա թյուրիմացություն է, որը հընթացս կշտկվի։ Հայաստանի ինքնիշխանության դեմ հայտարարություն անողներին պետք է դուրս շպրտենք քաղաքական ու հանրային դաշտից»։
Այս հայտարարությունից կարճ ժամանակ անց Վարդան Ղուկասյանը խոսել է իր դեմ իրականացվող իշխանական արշավի մասին։ Պատմել, որ Նիկոլ Փաշինյանին 50 նամակ է գրել, բայց աշխատակազմի ղեկավար Արայիկ Հարությունյանը դրանք հետ է ուղարկել իրեն՝ ասելով, որ բոլոր նամակները պետք է վարչապետին ուղարկվեն մարզպետարանի միջոցով։
Վարդան Ղուկասյանը զարմանում է՝ Հայաստանի երկրորդ քաղաքի քաղաքապետը մի՞թե իրավունք չունի իր հարցերն ուղիղ հղելու երկրի ղեկավարին։
Փաշինյանը նաև հայտարարել է, թե Գյումրիում ընտրակաշառք է բաժանվել․ Վարդան Ղուկասյանը հակադարձում է՝ Գյումրիում ընտրակաշառք բաժանել է Քպ-ն, բացի այդ, ընտրությանը նախորդած օրերին ամբողջ Քպ-ն Գյումրի էր լցվել, ավտոբուսներով մարդկանց են բերել, փաստեր կան, որ ապօրինի գրանցումներ են եղել՝ մի բնակարանի վրա 57 մարդու են գրանցել։
Մանրամասները՝ տեսանյութում.
