Բժիշկ, ուռուցքաբան Գևորգ Թամամյանը 2008 թվականի մարտի 1-ի իրադարձությունների ժամանակ ուսանող է եղել, ընդդիմադիր հայացքներ է ունեցել։ Հիշում է՝ ինչպես էր պաշտպանում ընդդիմությանը։
«Մարտի 1-ին կրակոցների տակ էինք, մասնակցում էի հանրահավաքներին, պահանջում էի քաղբանտարկյալներին ազատ արձակել։ Այդ օրերի, քաղբանտարկյալների մասին թաքուն գիրք էի գրում, նրանցով հպարտանում։ Բայց մի քանի տարի անց ճղեցի այդ գիրքըև աղբը նետեցի, որովհետև գործող անձինք գլխիվայր շրջվել էին։ Ու իմ գրածի համար ամաչեցի»,-խորհրդարանական լսումների ժամանակ պատմեց բժիշկը։
Նա նաև պատմեց, որ ոգևորվել է 2018-ի հեղափոխությամբ, հետո պատերազմ է եղել, Արցախն է հանձնվել, եկել է ուրացումի ու դավաճանության ժամանակը, գերիներին մոռանալու ժամանակը, եկեղեցու ասպատակությունը։
«Ես Նիկոլին բան չունեմ ասելու։ Ինձ համար նա մեկն է, որ դավաճանել է այն ամենին, ինչի համար կարծես թե ժամանակին ինքն է պայքարել։ Հիմա դավաճանում է ու ինքն էլ գիտի դրա մասին.։ Ոչ էլ բան չունեմ ասելու իշխանամետ շրջանակին։ Ի՞նչ ասեմ այն մարդուն, որն այն ժամանակ էլ է իշխանության մեջ եղել, հիմա էլ լավ տեղավորվել է։ Համոզված եմ՝ հաջորդ իշխանության ժամանակ էլ կփորձի ինչ-որ ձև գտնել։ Կամ ի՞նչ ասես այն քպ-ականներին, որոնք ամբարտավանության ռեկորդ են սահմանում։ Որոշները դարձել են օլիգարխներ և հաջողակ բիզնեսմեններ»,-ԱԺ ամբիոնից ասաց Գևորգ Թամամյանը։
Մանրամասները՝ տեսանյութում.
