Ես կին եմ, պետք լինի, իմ տունը եղունգներով էլ կճանկռեմ, կպաշտպանեմ, բա ինքն էլ թող տենց պաշտպանի

Փոքր և միջին ձեռներեցները Կառավարության դիմաց բողոքի հերթական ակցիան են իրականացնում։

Պահանջը մեկն է՝ չեղարկել շրջանառության հարկը 5 տոկոսից 10 տոկոս դարձնող օրենքը, քննարկում կազմակերպել, խելամիտ լուծում գտնել։ Իսկ մինչ այդ, նրանք չեն պատրաստվում 100 տոկոսով բարձրացած հարկը վճարել։

Հունվարի սկզբներից նրանք բողոքում են, ցույցեր կազմակերպում. ոչ ոք նրանց ձայնը չի լսում։ Եթե բարձրաստիճան պաշտոնյաների հետ հանդիպում է լինում, միևնուն է, բոլոր հարցերը մնում են անպատասխան, իսկ իշխանությունները՝ անդրդվելի. նրանք 10 տոկոսից չեն իջնում։

Եթե այսպես շարունակվի, 60-70 հազար տնտեսվարողներ, որոնք մանրածախ առևտորվ են զբաղվում, դուրս կմնան դաշտից, նրանց բիզնեսը կփակվի։

Մանրամասները՝ տեսանյութում.