Այսօր Փարաքարում տեղի է ունեցել իր տան բակում սպանված Վալոդյա Գրիգորյանի հոգեհանգիստը։
Փարաքարցիները, մերձավանցիները ու հարակից գյուղերի բնակիչները իրապես սգում են սիրելի ղեկավարի մահը։ Չեն պատկերացնում՝ այդ ո՞ր հանցագործի ձեռքը կարող էր բարձրանալ նրա վրա։ Վալոդյա Գրիգորյանը բոլորին է օգնել, անշահախնդիր կերպով լավություն արել, բոլոր վիճաբանությունները հարթել, բոլորին հաշտեցրել…Նա թշնամի չուներ։
Վալոդյա Գրիգորյանի ուսուցչուհին իր աշակերտին հիշում է դեռ մանուկ ժամանակներից ու չի կարողանում հավատալ, որ այդքան բարի, հավասարակշռված, հոգատար մարդը կարող է այդքան ողբերգական վախճան ունենալ։ Նրա կարծիքով՝ եթե ուզենային, մեկ օրում կգտնեին Վալոդյային սպանող դիմակավորված հանցագործին։
48 ժամ է անցել, բայց Հայաստանի իրավապահ համակարգը ոչ մի կասկածյալի չի բռնել։ Ոլորտի որևէ պատասխանատու ներողություն չի խնդրել, որ համայնքապետ է սպանվել, նրա հետ սպանվել է նաև ոստիկանության աշխատակից։
Գաղտնիք չէ, որ վերջին ժամանակներում ահաբեկչություն հիշեցնող նպանատիպ ոչ մի դեպք չի բացահայտվել՝ ընդդիմադիրների մեքենաներ են այրել ու ջարդուփշուր արել, ընդդիմադիր գործիչների են դաժան ծեծի ենթարկել… ոչ մի հանցագործ չի բացահայտվել։ Մինչդեռ իշխանության ներկայացուցիչներին մի թթու խոսք ասող ընդդիմադիրը մեկ վայրկյան անց հայտնվում է ճաղերի հետևում։
Մանրամասները՝ տեսանյութում.
