Կալանքի տակ գտնվող գեներալ Գրիգորի Խաչատուրովի դատական գործը ձգձգվում է, մինչև որ գա նոյեմբերի 15-ը։ Իսկ ինչո՞ւ հենց նոյեմբերի 15-ը. որովհետև այդ օրը լրանում է նրա նկատմամբ հարուցված քրեական գործի վաղեմության ժամկետը։
Իշխանությունները միտումնավոր են նրան պահում կալանքի տակ, որովհետև գիտեն՝ եթե Խաչատուրովն ազատության մեջ լինի, կըննդիմանա իրենց՝ հատկապես Տավուշի բնակավայրերն (անկլավներ) Ադրբեջանին հանձնելու հարցում. վստահ են Գրիգորի Խաչատուրովի հանրային պաշտպանության նախաձեռնության անդամները։
Գործով 14 մեղադրյալ ու 73 վկա կա։ Գործը բաղկացած է 60 հատորից։ Դատական նիստերը սկսվելու են սեպտեմբերի 6-ից, ու մինչև նոյոմբերի 15-ը, ուղղակի անհնար է 73 վկաներին լսել ու 60 հատորն ուսումնասիրել։ Հետևաբար, սա հերթական տրագիկոմեդիան է, որի բուն նպատակը Խաչատուրովին պատժելն է՝ նրան փակի տակ պահելով։ Իսկ պատճառները շատ պարզ են։
Նոյեմբերի 9-ի փաստաթղթի 2-րդ կետի համաձայն՝ մինչև 2020 թվականի նոյեմբերի 20-ը Ակնայի հետ պետք է Ադրբեջանին հանձնվեին նաև Հայաստանի անկլավները։ Սակայն Գրիգորի Խաչատուրովն ընդդիմացել է, թույլ չի տվել, հրաման է տվել, որ Տավուշի գյուղերը պաշտպանվեն։
Վերջերս համացանցում հայտնված նրա նամակը ոչ թե զուտ գրություն է, այլ հրաման։
Իհարկե, Նիկոլ Փաշինյանը անկլավները չհանձնելն իրեն է վերագրում ու բազմիցս է ասել դրա մասին։ Պարզվում է՝ Գրիգորի Խաչատուրովի արածն է իրեն վերագրում. նշում են հանրային պաշտպանության նախաձեռնության ներկայացուցիչները։
Մանրամասները՝ տեսանյութում.
