«Ուշքի արի, հայ ժողովուրդ, այսօր Արցախն է, վաղն ամբողջ Հայաստանն է հայտնվելու թուրք-ադրբեջանական վտանգի տակ։ Ոչ մեկիդ չեն խնայելու, քանի որ ընդվզում չկա, դիմադրություն չկա, Հայաստանի թրքացման դեմն առնող չկա»,- ցավալիորեն վստահ է պահեստազորի սպա Վոլոդյա Հովհաննիսյանը։
«Միասին» քաղաքական, հասարակական շարժումը շարունակում է իրազեկման ակցիաները, հանդիպումները ժողովրդի հետ։
Մարդիկ թմբիրի մեջ են, ապրում են իրենց առօրյայով, որովհետև այդպես է հրահանգված «վերևներից». իբր կյանքը շարունակվում է, իբր խախաղության պայմանգիրը հավերժ խաղաղություն է բերելու Ադրբեջանից փրկված Հայաստանի մի փոքրիկ բեկորին։
Ո՛չ մի խաղաղություն չի լինելու, կեղծ օրակարգ է, իշխանություն պահելու սուտ խոստում։ Ինքը՝ Փաշինյանն էլ է բազմիցս կրկնել, որ խաղաղության պայմանագիրը խախաղություն չի բերելու, նոր պատերազմը չի կանխելու։
Պահեստազորի սպա Վոլոդյա Հովհաննիսյանը փաստեր է ներկայացնում՝ 45 հազարանոց բանակ ունեցաղ Հայաստանն այսօր կքած, ստրկացած վիճակում է, որովհետև ՀՀ իշխանությունները որոշել են, որ մեզ բանակ պետք չէ։ Թշնամին 10 կմ մտնում է մեր տարածք ու 2 զինծառայողի առևանգում, որովհետև չկա պաշտպանություն, այն զրոյի է հավասարվել։ Բանակի կարողությունները 2017-ի համեմատ՝ 70 տոկոսով կրճատվել են. սա աղետ է։ 12 հազար ոստիկան կա միայն Երևանում։ Ո՞ւմ են պաշտպանում նրանք։ Մեկ հոգու՝ Փաշինյանին։
Մանրամասները՝ տեսանյութում.
