Նախկին քպ-ական Հովիկ Աղազարյանն ԱԺ արտահերթ նիստին ամբիոնի մոտ հակաիշխանական ելույթ ունեցավ, թե՝ եթե Կոնյակի գործարանը չմասնավորեցվեր, Հայաստանում խաղողագործություն չէր լինի։ Ենթատեքստը պարզ էր՝ քննադատում եք նախկիններին ՀԷՑ-ը սեփականացնելու համար, բայց ինքներդ էլ լավ հասկանում եք, որ այդ տարիներին դա միակ իրատեսական ելքն էր, որպեսզի Հայաստանը էլեկտրաէներգիա ունենա։
«Վաղը-մյուս օրը շրջվենք արևմուտք՝ Ռուսաստանից խռովելով, իսկ արևմուտքը սկսվում է Թուրքիայից, իսկ Թուրքիան կասի՝ 300 հազար փախստականներ բերեք Հայաստան։ Դրանց մի չնչին մասը կգա Հայաստան, բայց բոլորդ գիտեք, թե ինչ տեղի կունենա։ Հետևաբար, ես խնդրում եմ, կոչ եմ անում ռուսական կողմին չտրվել մեր սադրանքներին»,-հայտարարեց Աղազարյանն ու իջավ ամիբիոնից։
Դրան հետևեցին քպ-ական պատգամավորների բղավոցները, անգամ կրքերը բորբոքվեցին։
