Արցախի կառավարության նախկին անդամները Հայաստանի ընդդիմադիր ներկայացուցիչների հետ այսօր անց են կացրել «Հայոց Արցախ» խորագրով աշխատաժողով։
Ամեն ինչ պարզ է, քաղաքական իրավիճակը վերլուծելու կարիք չկա, ժամանակն է գործնական քայլերի. աշխատաժողովի մասնակիցները նկատել են, որ կոչերի, հայտարարությունների ժամանակը չէ։ Արցախցիների իրավունքների պաշտպանությունը, Արցախ վերադառնալու հնարավորությունները պետք է ամենօրյա աշխատանքի առաջնահերթություն լինեն։
Հայաստանի իշխանություններից հույս չկա, նրանք մոռացել են Արցախն էլ, արցախցիներին էլ, Բաքվում պահվող գերիներին էլ։
Նրանք Սահմանադրության փոփոխության հանրաքվեով, միջանցք տալու հարցերով են զբաղված, բայց դրանք ևս պետք է հանդիպեն հանրային ընդվզման։
Աշխատաժողովի մասնակից, ՀՀ արտակարգ և լիազոր դեսպան Ձյունիկ Աղաջանյանը կարծում է, որ իշխանությունների վրա պետք է անընդհատ հանրային ճնշում լինի, փողոցներում, հրապարակներում, ամենուր պետք է ցույցերն ու բողոքի ակցիաները շարունակվեն։ Ի վերջո, եթե ընդվզման ալիքները չլինեին, իշխանությունները շատ ու շատ հարցեր վաղուց լուծած կլինեին իրենց ու թշնամու օրակարագով։ Իշխանություններին կանգնեցնում են հենց հանրային ճնշումները։
Մանրամասները՝ տեսանյութում.
