Ապրիլի 13-ից ՔԿ-ի դիմաց 24-ժամյա նստացույց նախաձեռնած ծնողներն այսօր՝ ժամը 15։00-ին, հանդես եկան հայտարարությամբ. իրավական հարթությունում այլևս չեն պայքարելու։ Քանի դեռ դատաիրավական ու բոլոր համակարգերը ենթարկվում են մեկ մարդու, արդարադատություն ակնկալելն անիմաստ են։
«Մենք այլևս չենք դիմելու դատախազությանը, ՔԿ-ին, դատարաններին. եթե բոլորի փոխարեն մեկ հոգի է որոշում կայացնում, պարզ չէ՞, որ որևէ դատական գործ ազնվորեն չի քննվելու, և մեղավորները չեն պատժվելու։ Ուստի մենք փոխում ենք մեր մարտավարությունը, անցնում ենք քաղաքական պայքարի և ակնկալում ենք իրավապաշտպանների, հասարակական կառույցների, հանրության աջակցությունը։ Միաց՛եք մեզ։ Մեր գործը պետք է ներկայացվի Մարդու իրավունքների միջազգային դատարանին, որպեսզի 2022 թվականի սեպտեմբերի 21-ին, Եռաբլուրում մայրերի նկատմամբ բռնի ուժ կիրառած 13 ոստիկանները կրեն իրենց պատիժը։
Այսօր ՔԿ-ն իբր պատասխանել էր մեզ. կարծես խռոված երեխայի պատասխան լիներ։
2,5 տարի ահազանգում ենք՝ քանի դեռ Նիկոլ Փաշինյանն է Հայաստանի իշխանության գլուխը, պատերազմը շարունակվելու է. այդպես էլ եղավ՝ սեպտեմբերի 13-15-ի գործողությունները, մարդկային ու տարածքային նոր կորուստներ, 15 զինվորներն Ազատ գյուղում ողջակիզվեցին, Տեղ գյուղում նոր զոհեր ու վիրավորներ ունեցանք, Եռաբլուրում նոր գերեզմանափոսեր են փորվում։ Միացե՛ք մեզ, որպեսզի վռնդենք այս իշխանությանը»,- կոչ արեցին ծնողները։
