Աթոռի կռիվ է, վերցնում են ու նրանից հետո… Միտքը կիսատ է թողնում Սեդա տատը:
Ասելիք շատ ունի, բայց լսողն ո՞վ է: Տղաները հարսներին, երեխաներին թողել՝ արտագնա աշխատանքի են մեկնել: Չնայած անհաշիվ ու անլուծելի թվացող խնդրիներին, լավ գյուղ է Սառնակունքը. ասում է 85-ամյա կինը:
«Գյուղը սաղ ցեխ է, տեսա՞ք: Էդ էրկու օրը իկայիք է, տենայիք ժողովրդի վիճակը: Էրեխեքը դպրոց են էթալ, կեսերը ցեխ: Էդ էրեխեքը մեղք են, մինչև վիզները ցեխ»,- նշում է նա:
Արևն արդեն ջերմացնում է:
50 տարի գյուղի կոլխոզ-սովխոզում կթվորուհի աշխատած Սեդա Իվանյանը նեղսրտում է՝ ջահելները շյուղ բռնել չգիտեն: Իսկ ինքը անգամ այս տարիքում հարսի համար ժիլետ է գործում: Ամեն ինչ տանելի է, մենակ թե խաղաղություն լինի, երիտասարդները մեղք են. ասում է տատը:
Ավելին՝ տեսանյութում:
