Կարծում եմ, որ արդարադատության նախարարի պաշտոնը շատ կարևոր պաշտոն է, և այնտեղ գտնվող մարդը պետք է լինի քաղաքական թիմից: Այս մասին այսօր լրագրողների հետ զրույցում ասաց ԱԺ ՔՊ խմբակցության պատգամավոր Արփի Դավոյանը՝ անդրադառնալով արդարադատության նախարար Գրիգոր Մինասյանի հրաժարականի թեմային։
Խորհրդարանականը նշեց՝ չի ցանկանում մեկնաբանել այն խոսակցությունները, թե Գրիգոր Մինասյանը հրաժարականի դիմում է ներկայացրել, քանի որ որոշ պատգամավորների հետ անձնական դրդապատճառներ կան։
«Մենք կատարել ենք մեր վերահսկողական գործառույթը, և դա մանրամասնելու համար երկար ժամանակ է պետք։ Ես հիմա նպատակահարմար չեմ համարում։ Համենայնդեպս մենք գտնվում ենք մեր տեղում, կատարում ենք մեզ վերապահված գործառույթները։ Մեկ օրվա մեջ ի հայտ չեն եկել այդ մտահոգությունները, հետևաբար դրա մասին խոսել, որ երեկ է քննարկվել և որոշվել, ճիշտ չէ», – ասաց նա։
Արփի Դավոյանը Միաժամանակ հավաստիացրեց, որ Գրիգոր Մինասյանի հրաժարականի պատճառը նաևփոխնախարարը չէ։ Սիրվարդ Գևորգյանի նշանակումը և պաշտոնից հրաժարվելը,. Ըստ պատգամավորի, դա շատ փոքր միջադեպ է եղել։
Հիշեցնենք՝ ՀՀ արդարադատության նախարար Գրիգոր Մինասյանը հայտնել է, որ պաշտոնից ազատման դիմում է գրել:
Արդարադատության նախարար Գրիգոր Մինասյանին պաշտոնանկ անելու համար «Քաղաքացիական պայմանագիր» խմբակցությունը ստորագրահավաք էր նախաձեռնել:
