Շատ հստակ է՝ Նիկոլ Փաշինյանը խաղաղության անվան տակ երկիրը տանում է նոր կորուստների։ Իր իշխանությունը պահելու համար պատրաստ է տալ և՛ Արցախը, և՛ Սյունիքը, Գեղարքունիքն էլ բոնուս կտա. այսօրվա մամուլի ասուլիսի ժամանակ նշել է «Հայաստան» խմբակցության պատգամավոր Իշխան Սաղաթելյանը։
Նա խոսել է նաև հանրային տրամադրությունների, ժողովրդի մեջ ներարկվող «գաղափարների» մասին, որոնք համընդհանուր հուսալքության, պարտվողականության են տանում։
«Սարսափելի է տեսնել հայ մարդու կողմից գրառումներ՝ Արցախը տանք խաղաղ ապրենք, որովհետև իրեն այդպես են համոզել, իրեն 20 տարուց ավելի ասել են՝ Սերգո ջան, լավ չես ապրի, քանի դեռ Արցախը կա։ Դժբախտաբար, մենք չհասկացանք, չգիտակցեցինք, չարժևորեցինք, որ արցախյան ազատագրական շարժումով ու Արցախի ինքնիշխանությամբ հայ ժողովուրդը շանս ուներ, կամ ունի՝ դառնալու համաշխարհային ազգ»,-ասել է Սաղաթելյանը։
