Բելառուսի նախագահ Ալեքսանդր Լուկաշենկոն սեպտեմբերի 25-26-ը աշխատանքային այցով կլինի Ռուսաստանում. ասվել է բելառուս առաջնորդի Telegram ալիքում։
Լուկաշենկոն կմասնակցի «Գլոբալ ատոմային էներգիայի ֆորումին», որը կանցկացվի «Նոր տեխնոլոգիական կարգից դեպի նոր աշխարհայացք» կարգախոսով։
Այցի շրջանակներում նախատեսված է նաև Ալեքսանդր Լուկաշենկոյի և Ռուսաստանի նախագահ Վլադիմիր Պուտինի երկկողմ հանդիպումը։
Կրեմլի տվյալներով՝ Վլադիմիր Պուտինը ելույթ կունենա ֆորումում սեպտեմբերի 25-ին։
Միջոցառմանը կմասնակցեն ԱԷՄԳ-ի գլխավոր տնօրեն Ռաֆայել Գրոսսին, Բելառուսի և Մյանմայի նախագահները, Հայաստանի և Եթովպիայի վարչապետերը, ինչպես նաև երեք երկրների և մի շարք մասնագիտացված կազմակերպությունների ներկայացուցիչներ։
Ֆորումից հետո նախատեսված են Ռուսաստանի նախագահի հանդիպումները օտարերկրյա պատվիրակությունների ղեկավարների հետ։
